Punjabi Status App

ਗ਼ਜ਼ਲ

ਕੌਣ  ਕਹਿੰਦਾ ਫੱਲ ਨਹੀਂ ਲਗਦਾ ਕਦੇ ਵੀ ਮਿਹਨਤਾਂ ਨੂੰ ,
ਹੌਸਲੇ   ਅੱਗੇ   ਤਾਂ  ਝੁੱਕਦੇ  ਵੇਖਿਆ  ਹੈ  ਪਰਬਤਾਂ ਨੂੰ ।

ਪਾਲਿਆ  ਹੁੰਦੈ  ੳੁਨ੍ਹਾਂ  ਨੇ  ਸਹਿ   ਅਨੇਕਾਂ ਦਿੱਕਤਾਂ  ਨੂੰ ,
ਮਾਪਿਆਂ  ਨੂੰ  ਸਾਂਭ  ਲੲੀੲੇ   ਰੋਲੀੲੇ  ਨਾ  ਇੱਜ਼ਤਾਂ ਨੂੰ ।

ਨਾ  ਕਰੇ  ਮਿਹਨਤ ਕੋਈ ਪਰ ਕੋਸਦੇ  ਨੇ ਕਿਸਮਤਾਂ ਨੂੰ ,
ਭਾਲਦੇ ਨੇ  ਲੋਕ ਬਹੁਤੇ ਮੁਫਤ ਦੇ ਵਿਚ ਦਾਅਵਤਾਂ  ਨੂੰ ।

ਹੁਣ ਨਾ  ਤੈਨੂੰ  ਯਾਦ ਆਵੇ  ਮੋਹ ਲਿਆ ੲੇਂ ਡਾਂਲਰਾਂ ਨੇ ,
ਮੈ  ਅਜੇ  ਤਕ  ਸਾਂਭ  ਬੈਠਾ  ਹਾਂ ਪੁਰਾਣੇ  ਸਭ ਖਤਾਂ ਨੂੰ ।

ਕਦਰ  ਨਾ  ਪਾਈ  ਕਦੀ ਮੈਂ  ਜਦ ਸੀ  ਹੁੰਦੇ  ਕੋਲ ਮੇਰੇ ,
ਹੁਣ ਲਿਖਾਂ ਮੈਂ ਗੀਤ ਗ਼ਜ਼ਲਾਂ  ਯਾਦ ਕਰ ਕੇ ਦੋਸਤਾਂ  ਨੂੰ I

ਕੌਣ   ਕਰਦੈ   ਤਰਕ   ਵਾਲੀ   ਗੱਲ  ਨਾਨਕ ਵਾਂਗਰਾਂ ,
ਹੁਣ    ਸਾਧ ਪਾਖੰਡੀ ਬੜੇ ਭਾਉਦੇ ਪਏ  ਨੇ  ਸੰਗਤਾਂ ਨੂੰ ।

ਕਰਦੀਆਂ ਹਰ ਕੰਮ ਮੋਢੇ ਨਾਲ ਮੋਢਾ  ਜੋੜ੍ਹ  ਕੇ   ਹੁਣ ,
ਫੇਰ ਕਿਉਂ ਸਮਝੇ ਇਹ ਜਨਤਾਂ ਪੈਰ-ਜੁੱਤੀ  ਔਰਤਾਂ ਨੂੰ ।

ਯਾਦ ਕਰ ਬਹਿਰਾਂ ਗ਼ਜ਼ਲ ਦੀਆਂ, ਮੈਂ ਲਿਖਾ ਜਜ਼ਬਾਤ ਦਿਲ ਦੇ ,
ਚਾਹਵਾ  ਕੰਟਰੋਲ   ਕਰਨਾ, ਅੱਖਰਾਂ   ਤੇ  ਹਰਕਤਾਂ  ਨੂੰ ।

ਹੋ ਗਈ “ਗਿੱਲਾ” ਹਵਾ ਜ਼ਹਿਰੀ ਤੇ  ਫਸਲ਼ ਸਪਰੇਆਂ  ਦੀ,
ਹੁਣ ਕਿਥੇ ਲੱਭਦਾ ਫਿਰੇ ਤੂੰ ਕੁਦਰਤੀ ਉਹ ਨਿਹਮਤਾਂ ਨੂੰ ।